41 нафар ўзбекистонлик Эрондан хавфсиз тарзда олиб чиқилди

Фото: Yandex

Ўзбекистон Ташқи ишлар вазирлиги томонидан бир гуруҳ фуқароларни Эрондан ватанга қайтариш бўйича самарали чоралар кўрилди. Маълум қилинишича, 41 нафар ўзбекистонлик Туркманистон орқали транзит тарзда хавфсиз равишда олиб чиқилган.

Дунё хабар беришича, жараён Ашхобод ва Теҳрондаги дипломатик ваколатхоналар ҳамда Туркманистоннинг тегишли идоралари билан яқин ҳамкорликда ташкил этилган. Виза расмийлаштириш ва транспорт-логистика масалалари қисқа вақт ичида ҳал қилингани қайд этилмоқда.