Тошкентда сунъий ёмғир ёғдириш ташаббуси бошланади

Тошкент шаҳрида сунъий ёмғир ёғдириш усулини жорий этиш режаси тайёрланмоқда. Бу масала Президентнинг 25 март куни қабул қилган фармонида келтирилган, у “Атмосфера ҳавоси сифатини яхшилашга қаратилган Тоза ҳаво умуммиллий лойиҳасини амалга ошириш чора-тадбирлари”ни ўз ичига олади.

Фармонга кўра, Тошкент шаҳри ва вилоятида қурғоқликка учраган ҳудудларда махсус ускуналар ўрнатилади ва сунъий ёмғир чақириш амалиёти йўлга қўйилади. Лойиҳанинг тўлиқ амалга оширилиши 2027 йил 1 октябргача режалаштирилган.