Ўзбекистонда апрел ойида баҳорий об‑ҳаво қандай бўлиши маълум қилинди

“Ўзгидромет” маълумотларига кўра, апрель ойи давомида мамлакатда баҳорий об‑ҳаво беқарор бўлиши кутилади. Ойнинг дастлабки кунларида айрим ҳудудларда қисқа муддатли ёмғирлар ва момақалдироқли об‑ҳаво кузатилади, баъзи манзилларда эса қуруқ ва равшан ҳаво сақланади.

Ҳарорат кўрсаткичлари бўйича кечалари +12...+17 даражадан +7...+12 даражагача, кундуз кунлари эса +27...+32 даражадан +15...+20 даражагача ўзгариб туради. Энг иссиқ кунларда термометр кўрсаткичи +28...+33 даражагача кўтарилиши мумкин.