Қаллоблар визани баҳона қилиб катта пулларни қўлга киритди

Бош прокуратура ҳузуридаги Департамент ҳамда ҳуқуқни муҳофаза қилувчи органлар ходимлари ҳамкорлигида ўтказилган тезкор тадбирлар давомида бир нечта фирибгарлик ҳолатлари фош этилди. Ҳуқуқ-тартибот идоралари томонидан амалга оширилган операциялар натижасида жиноятчилар ашёвий далиллар билан қўлга олинди.

Маълум қилинишича, Сергели туманида фуқаро Ш.А. ўзини юқори лавозимда ишловчи танишлари бор деб кўрсатиб, фуқаро М.О.га АҚШга бориш учун «бизнес» визасини расмийлаштириб беришни ваъда қилган.