Винисиуснинг дубли "Реал"га дербида драматик ғалаба келтирди (видео)

Испания Ла Лигасининг 29-туридан ўрин олган марказий тўқнашувлардан бири — Мадрид дербиси мухлисларга ҳақиқий футбол драмасини тақдим этди. “Реал” ўз майдонида принципиал рақиби “Атлетико”ни қабул қилиб, кескин ва шиддатли кечган баҳсда 3:2 ҳисобида устун келди.

Учрашув кутилганидек юқори суръатда бошланди. Илк дақиқаларданоқ ҳар икки жамоа ташаббусни қўлга олишга интилди. 33-дақиқада меҳмонлар сафида ҳужумчи Лукман имкониятдан унумли фойдаланиб, ҳисобни очди ва “Атлетико”ни олдинга олиб чиқди.