Инсон ҳужайраларини ёшартириш бўйича тарихий клиник синов бошланди

Америкадаги Life Biosciences биотехнология компанияси тарихий қадам ташлаб, ER-100 номли препаратини инсонларда клиник синовдан ўтказиш учун рухсат олди. Бу препарат ҳужайраларни ёш ҳолатга қайтариш тизимини ишга солиб, замонавий тиббиётда бундай тажриба инсонларда биринчи марта ўтказилади.

Замонавий илмий тадқиқотлар кўрсатадики, кексайиш жараёнида асосий сабаб ДНК шикастланиши эмас, балки эпигенетик ўзгаришлардир. Бу эса генларнинг «фаол» ва «ўчирилган» ҳолатини қайта созлаш тизимидаги ўзгаришларнинг натижаси ҳисобланади.