Президент Шавкат Мирзиёев Ислом Каримов мақбарасини зиёрат қилди

Президент Шавкат Мирзиёев Самарқанддаги Ҳазрати Хизр мажмуасига ташриф буюриб, Ўзбекистоннинг Биринчи Президенти Ислом Каримов мақбарасини зиёрат қилди. Ташриф чоғида Қуръон оятлари тиловат қилиниб, дуо ўқилди.

Қайд этилганидек, улуғ аждодлар ва вафот этган инсонларни ёд этиш, уларнинг эзгу ишларини эъзозлаш халқимиз анъаналарига чуқур сингган олижаноб қадриятлардан бири ҳисобланади, айниқса шу кунларда.

Ташриф якунида юрт тинчлиги ва халқ фаровонлиги учун дуолар қилинди.