Осиёнинг энг қиммат футболчилари рейтингида Ҳусанов етакчилик қилмоқда

Футбол трансферлари ва бозор қийматларини кузатиб борувчи нуфузли Transfermarkt портали сўнгги пайтларда бир қатор миллий чемпионатлар, жумладан, Англия Премьер-лигасида тўп сураётган футболчиларнинг трансфер баҳоларини янгилади. Ушбу янгиланишлар ортидан турли спорт нашрлари ҳам қизиқарли таҳлиллар тайёрламоқда.

Хусусан, футбол янгиликларини ёритиб келаётган Вьетнамнинг Znews.vn портали жаҳоннинг турли лигаларида фаолият юритаётган Осиё қитъасидан чиққан энг қиммат футболчилар рўйхатини тузиб чиқди.