Россия Эронга ёрдам юборишни бошлади

Эрон Россия ва бошқа дўст давлатлардан инсонпарварлик ёрдами сўраб мурожаат қилган ва уни етказиб бериш ишлари аллақачон йўлга қўйилган. Бу ҳақда Россия Ташқи ишлар вазирлиги матбуот котиби Мария Захарова маълум қилди.

Россия Ташқи ишлар вазирлигининг расмий вакили брифингда таъкидлашича, мамлакатда кўплаб шифохоналар ва тез ёрдам пунктлари вайрон қилинган, шунингдек яраланганлар сони, айниқса аёллар ва болалар орасида ҳам кўплиги сабаб Эрон томони дўст давлатлардан дори-дармон юборишни сўраган.