Жанубий Кореядан йирик мағлубият: Ўзбекистон мундиал йўли давом этади

Аёллар ўртасидаги Осиё кубогининг чоракфинал босқичида Ўзбекистон миллий жамоаси кучли рақиб — Жанубий Корея терма жамоасига қарши майдонга тушди. Мухлислар катта қизиқиш билан кузатган ушбу учрашув афсуски, ҳамюртимизлар учун кутилган натижа билан якунланмади.

Беллашув давомида кореялик футболчилар устунликни қўлга олиб, ўйинни тўлиқ назорат қилди. Натижада баҳс 6:0 ҳисобида Жанубий Корея жамоаси фойдасига ҳал бўлди. Шу тариқа, ўзбекистонлик футболчи қизлар жаҳон чемпионатига тўғридан-тўғри йўлланма олиш имкониятини бой берди.