Шерзод Темиров хет-трик билан «Эрбил»га муҳим ғалаба келтирди

Ироқ чемпионатининг навбатдаги, 22-тур учрашувлари доирасида қизиқарли ва голларга бой баҳслардан бири бўлиб ўтди. Унда «Эрбил» жамоаси ўз майдонида «Ал Минаа» клубини қабул қилди. Мухлислар учун жуда драматик ва курашларга бой ўтган учрашув мезбонларнинг 3:2 ҳисобидаги ғалабаси билан якунланди.

Бу баҳсда барча эътибор ўзбекистонлик ҳужумчи Шерзод Темировга қаратилди. Ҳамюртимиз майдонда ҳақиқий лидерлик фазилатларини намоён этиб, учта гол уришга муваффақ бўлди ва хет-трик муаллифига айланди.