Президент Виртуал қабулхонасида маҳаллалар учун алоҳида кабинет очилади

Президент Шавкат Мирзиёев раислигида 13 март куни аҳоли мурожаатлари билан ишлаш тизимини янги даражага кўтариш ва жамоатчилик фикрини чуқур таҳлил қилиш масалалари юзасидан йиғилиш ўтказилди.

Унда таъкидланишича, мурожаатлар билан ишлашда «маҳалла еттилиги» масъулияти оширилади. Президент Виртуал қабулхонасида ҳар бир маҳалла учун алоҳида кабинет очилади. Уни юритишга ёшлар етакчиси билан маҳалла раиси масъул бўлади. Улар келаётган мурожаатларнинг сабабларини ўрганиб, кунлик маълумотларни ҳокимларга тақдим қилиб боради.