Навоийда мактаб ўқувчилари мопедда машинага урилди

Навоий вилояти Нурота туманидаги Истиқлол маҳалласида жойлашган Сойикечар қишлоғида вояга етмаган ҳайдовчилар иштирокида мудҳиш йўл-транспорт ҳодисаси юз берди. Мопедда кетаётган икки ўсмир бошқарувни йўқотиб, қарама-қарши йўналишдан келаётган автомобилга бориб урилган. Яхшиямки, тўқнашувнинг даҳшатли бўлишига қарамай, ҳодиса оқибатида ҳеч ким ҳалок бўлмади ва оғир тан жароҳатлари олмади.

Дастлабки тергов маълумотларига кўра, аварияга учраган икки бола Нурота туманидаги 14-умумтаълим мактабининг 9-синф ўқувчиларидир.