"Насаф" стадиони янгиланяпти: янги чим ётқизиш ишлари бошланди

2025 йилги футбол мавсуми якунланганидан кейин Қаршидаги «Насаф» жамоасининг уй учрашувлари ўтказиладиган «Марказий» стадионда катта янгиланиш ишлари бошлаб юборилган эди. Клубнинг матбуот хизмати маълум қилишича, бу ишлар режа асосида босқичма-босқич давом этмоқда ва асосий мақсад — майдонни замонавий стандартларга мос, сифатли қопламага эга қилиш.

Хабарга кўра, майдоннинг асосий қисми аллақачон тўлиқ тайёр ҳолатга келтирилган. Энг муҳим босқич — стадион учун махсус етиштирилган табиий чимни ётқизиш жараёни ҳам бошланган.