Бишкекда катта жанг: Ҳасанбой Дўсматов WBA камар учун рингга чиқади

17–19 апрель кунлари Қирғизистоннинг Бишкек шаҳри профессионал бокс мухлислари учун ҳақиқий байрамга айланади. Шу кунлари бу ерда катта бокс оқшоми ташкил этилади ва энг қизиқ жиҳати — унда чарм қўлқоп устамиз, WBA рейтингида 6-ўринни эгаллаб турган Ҳасанбой Дўсматов ҳам рингга кўтарилади.

50 кг вазн тоифасида Дўсматов WBA вақтинчалик чемпионлик камари учун пуерто-риколик тажрибали рақиб — Жонатан Гонзалезга қарши жанг қилади. Ҳасанбойнинг рекорди ҳозирча жуда чиройли: 7 та жанг — 7 та ғалаба, шулардан 5 таси нокаут билан.