Гвардиола ўз услубидан қайтмаслигини қатъий таъкидлади

Чемпионлар лигасининг 1/8 финалидаги энг катта тўқнашув олдидан “Манчестер Сити” бош мураббийи Хосеп Гвардиола “Реал”га қарши баҳс ҳақида фикр билдирди. Испаниялик мутахассис учун бир нарса жуда равшан: жамоа ўз табиати, ўз ўйин фалсафаси ва ўз “қолипи”дан чиқса — натижа ҳам шу заҳоти қийшайиб кетади.

Гвардиола УEФА матбуот хизматига берган интервюсида ҳам ана шу нуқтани урғулади: “Сити” ҳеч қандай шароитда ўз услубидан воз кечмайди, чунки айнан шу услуб уларни бу босқичларга олиб келган.