Болаларни интернетдаги хавфлардан ҳимоя қилиш чоралари кўрилмоқда

Бугунги кунда дунё миқёсида вояга етмаганларни ижтимоий тармоқларнинг салбий таъсиридан ҳимоя қилиш масаласи кун тартибидаги энг долзарб мавзуга айланди. Кўплаб давлатлар ёшлар учун интернет платформаларидан фойдаланишни чеклаш ёки бутунлай тақиқлаш бўйича қатъий қонунчилик механизмларини ишлаб чиқмоқда. Ҳозирги кунда фойдаланувчининг шунчаки “мен 18 ёшдаман” деган ёзувига ишониш даври ўтиб кетди. Ҳукуматлар технологик компаниялардан рўйхатдан ўтиш жараёнида ёшни тасдиқлашнинг ишончли ва аниқ техник усулларини жорий этишни талаб қилмоқда.