Бугунги “топ-5” чемпионатлар афишаси: Милан дербиси ва бошқа ўйинлар

Ҳафтанинг дам олиш кунлари Европанинг “топ-5” чемпионатларида навбатдаги тур ўйинлари билан янада қизиб кетади. Бугун ҳам футбол мухлислари учун кечқурундан тунгача давом этадиган мазмунли афиша тайёр: Ла Лигада принципиал баҳслар, Лига 1да жадвал учун қаттиқ кураш, Германияда темпи баланд ўйинлар, Италияда эса ҳақиқий “бомба” — Милан дербиси!

Жумладан, А Серия 28-турида “Милан” ва “Интер” ўзаро тўқнаш келади. Бу дерби — фақат 3 очко учун эмас, обрў, руҳий устунлик ва мавсумнинг умумий кайфияти учун ҳам жанг.