"Реал" Вигода сўнгги дақиқада ғалабани қандай тортиб олди? (видео)

Испания Ла Лигасининг 27-турида «Реал» Вигода «Селта»га қарши жуда қаттиқ ва асабий баҳс ўтказди. Учрашув якунида “қироллик клуби” қўшиб берилган дақиқаларда ғалабани илиб кетиб, чемпионлик пойгасидаги босимни янада оширди — 1:2.

Ўйин тез суръатда бошланди ва «Реал» 11-дақиқадаёқ ҳисобни очди. Орельен Чуамени жарима майдони атрофидаги ҳаракатда энг чаққон бўлиб, жамоасини олдинга олиб чиқди. Бироқ «Селта» ҳам тез таслим бўлмади. 25-дақиқада Иглесиас ҳисобни тенглаштириб, «Балайдос» трибуналарини “ўт” қилиб юборди — 1:1.