Бугунги футбол афишаси: "Сити", "Барса" ҳамда дербилар "қайнайди"...

Ҳафтанинг дам олиш кунлари бошланиши билан Европа “топ-5” чемпионатларида навбатдаги тур ўйинлари қизийди. Бугун ҳам футбол мухлисларини кечдан тунгача тўхтамайдиган афиша кутяпти: Англия кубогида кубок кайфияти, Испанияда чемпионлик пойгаси, Италия ва Германияда қаттиқ жанглар, Туркияда эса дерби “ўт чақади”.

Энг кўп кутилган тўқнашувлардан бири — Англия кубоги 1/8 финали доирасида “Манчестер Сити”нинг “Ньюкасл”га қарши баҳси. Ла Лигада эса чемпионлик учун кураш олиб бораётган “Барселона” сафарда “Атлетик Бильбао” билан куч синашади.