Президент сайловида Лапорта ютқазса Флик "Барселона"дан кетиши мумкин

“Барселона”ни Испания чемпиони даражасига олиб чиққан германиялик мутахассис Ханс-Дитер Флик клубда иши юришиб турганига қарамай, Каталония билан хайрлашиши эҳтимоли ҳақида гап-сўзлар кўпайди. Гап шундаки, Фликнинг келажаги тўғридан-тўғри клуб президенти Жоан Лапортанинг тақдирига боғланиб қолгани айтилмоқда.

Журналист Флориан Плеттенберг Х ижтимоий тармоғидаги саҳифасида тарқатган маълумотга кўра, агар Жоан Лапорта клуб президентлигига қайта сайланмаса, Флик “Барселона”дан кетиш вариантини кўриб чиқиши мумкин.