АҚШ Эроннинг дрон ташувчи кемасига зарба берганини билдирди

АҚШнинг Яқин Шарқдаги Марказий қўмондонлиги — CENTCOM Эроннинг ҳужумкор дронларни олиб кетаётган кемасига зарба берилганини маълум қилди. Баёнотга кўра, нишонга олинган кема дрон ташувчи восита сифатида фойдаланилган.

Қўмондонлик томонидан эълон қилинган видеода йирик кемага ўқ-дорилар тегиб, ундан қалин тутун кўтарилаётгани акс этган. CENTCOM ушбу кемани Иккинчи жаҳон уруши давридаги авиаташувчиларга ўхшаш дрон ташувчи кема сифатида таърифлаган.

Расмий маълумотда ҳужум оқибатида кема ҳозирда ёнаётгани қайд этилган.