Тошкент “Катта дубулға”си Ўзбекистон дзюдоси учун тарихий бўлди

27 февралдан 1 мартгача Тошкент шаҳри дзюдо бўйича “Катта дубулға” туркумига кирувчи нуфузли мусобақага мезбонлик қилди. IJF маълумотига кўра, OTP Group Tashkent Grand Slam 2026 Тошкентда 39 мамлакат ва 370 нафар дзюдочи иштирокида ўтди.

Мазкур турнир Ўзбекистон дзюдоси учун айниқса ёрқин хотиралар билан эсда қолди. Энг катта қувончни Шукуржон Аминова тақдим этди — у -57 кг вазн тоифасида олтин медални қўлга киритиб, мезбонлар учун мусобақадаги илк олтинни олиб берди. IJF бу ғалабани “мезбон мамлакат учун олтин лаҳза” дея таърифлади.