ЙПХ инспекторини уриб юборган ўсмирга нисбатан қамоқ чораси танланди

Тошкент шаҳрида жамоатчилик эътиборини тортган ҳодисалардан бири бўйича тергов жараёнлари давом этмоқда. Бош прокуратуранинг маълум қилишича, йўл-патрул хизмати ходимини автомашинада уриб юборган вояга етмаган шахсга нисбатан қамоққа олиш тарзидаги эҳтиёт чораси қўлланилди.

Маълумотларга кўра, ушбу ҳолат 2026 йил 25 феврал куни пойтахтнинг Миробод туманида содир бўлган. Тергов материалларида қайд этилишича, вояга етмаган Дониёр Турғунов автомашинада ҳаракатланиб келиб, йўл-патрул хизмати инспектори Хосилбек Эшназаровни уриб юборган.