Эрон ҳокимияти вақтинча кимга ўтиши аниқланди

Эрон Олий раҳбари Оятуллоҳ Али Хоманаий вафот этганидан кейин ўтиш даврида мамлакат бошқаруви қандай тартибда амалга оширилиши маълум қилинди. Бу ҳақда Эроннинг “Tasnim” ахборот агентлиги ва бир қатор халқаро ОАВлар хабар бермоқда.

Маълум қилинишича, ўтиш даврида ваколатлар Эрон Президенти Масъуд Пезешкиён, суд ҳокимияти раҳбари Ғолям Ҳусайн Моҳсени-Эжеи ҳамда Конституция посбонлари кенгашидан бир аъзо кирган уч кишидан иборат муваққат кенгаш орқали ижро этилади. Бу тартиб Эрон Конституциясининг 111-моддасида кўрсатилгани айтилади.