Слуцкийнинг “Шанхай Шэньхуа”си Осиё Чемпионлар лигасида ютқазди

“Шанхай Шэньхуа” Осиё Чемпионлар лигаси гуруҳ босқичида етти турдан сўнг плей-офф йўлланмаси учун имкониятларини бой берди. 8-турда Леонид Слуцкийнинг жамоаси “Бурирам Юнайтед”га қарши фақат турнир билан муносиб хайрлашишга уриниб кўрди, бироқ бу режаси амалга ошмади. Бу ҳақда euro-football.ru хабар беради.

Учрашувда тайландликлар 2:0 ҳисобида ғалаба қозонди. Икки гол ҳам биринчи бўлимнинг дастлабки дақиқаларида урилди: 11-дақиқада Гуд Кўртис, 22-дақиқада эса Супханат Муеанта рақиб дарвозасини ишғол қилди.