Гондурас Россияга қарши ўртоқлик учрашувини рад этди
Россия терма жамоасининг баҳорги йиғинига бир ойдан кам вақт қолди, бироқ Россия футбол иттифоқи ҳануз ўртоқлик ўйинлари учун рақиблар рўйхатини расман эълон қилгани йўқ. Шунга қарамай, илк рақиб Мали бўлиши деярли аниқ: африкаликлар аввалроқ келишув борлигини тасдиқлаган. Бу ҳақда euro-football.ru хабар беради.
Sport24 хабарига кўра, РФУ иккинчи рақиб масаласида Гондурас терма жамоасига ҳам мурожаат қилган. Бироқ Гондурас футбол федерацияси март охирида Санкт-Петербургда ўйин ўтказиш таклифини рад этган.