"Локомотив" янги мавсумда қатнашувчи футболчилар рўйхатини эълон қилди

Тошкентнинг “Локомотив” жамоаси Суперлиганинг янги мавсуми учун расмий қайдномасини тақдим этди. “Темирйўлчилар” таркибни шакллантириб бўлгани кўриниб турибди, аммо эълон қилинган рўйхатда энг кўп диққат тортган жиҳатлардан бири — Жасур Яхшибоевнинг йўқлиги бўлди.

Қизиғи шундаки, клуб Яхшибоев трансферини аввалроқ расман эълон қилган эди. Лекин унинг исми умумий рўйхатга киритилмаган. Бу эса катта эҳтимол билан футболчи фаолиятини бошқа жамоада давом эттириши мумкинлиги ҳақидаги тахминларни кучайтирди.