Слуцкий бошқарувидаги «Шанхай Шэньхуа» «Бурирам»га ютқазди

«Шанхай Шэньхуа» Осиё Чемпионлар лигасида етти турдан сўнг плей-оффга чиқиш имкониятини бой берганди. Саккизинчи турда «Бурирам Юнайтед»га қарши баҳс Леонид Слуцкий жамоаси учун турнир билан хайрлашиш олдидан сўнгги имконият — ҳеч бўлмаса муносиб якун қилиш эди, бироқ буни уддалашмади. Бу ҳақда euro-football.ru хабар беради.

Тайланд клуби 2:0 ҳисобида ғалаба қозонди. «Бурирам Юнайтед» биринчи тайм бошидаёқ икки бор аниқ зарба берди: 11-дақиқада Гуд Кёртис ҳисобни очди, 22-дақиқада эса Супханат Муеанта устунликни оширди.