Тошкентда маст ҳолда жанжал чиқарган шахс қамоққа олинди

Тошкент шаҳрида жамоат жойида алкоголли ичимлик истеъмол қилиб, фуқаролар осойишталигини бузган 35 ёшли эркакка нисбатан маъмурий жазо қўлланилди. Бу ҳақда Qalampir нашри суд ҳужжатларига таяниб хабар қилди.

Маълум қилинишича, жорий йил 20 феврал куни соат тахминан 10:00 ларда М.Қ. Миробод тумани ҳудудида маст ҳолда бақир-чақир қилиб, атрофдагиларни ҳақоратлаган ва жамоат тартибини қасддан бузган. Шу билан бирга, у ички ишлар органлари ходимларининг ҳуқуқбузарликни тўхтатиш ва ИИБга бориш ҳақидаги қонуний талабларига ҳам бўйсунмаган.