«Реал» «Бенфика» билан ўйинда Рюдигерни асосий таркибга қайтаради

Мадриднинг «Реал» жамоаси марказий ҳимоячи Антонио Рюдигерни Чемпионлар лигасида «Бенфика»га қарши баҳсда старт таркибига қайтаришга қарор қилди. Бу ҳақда euro-football.ru хабар беради.

«Қироллик клуби» плей-офф босқичи жавоб учрашувида «бургутлар»ни ўз майдонида қабул қилади. Учрашув чоршанба куни бўлиб ўтади. «Газета.Ru» Diario AS'га таяниб ёзишича, Альваро Арбелоа бошчилигидаги мураббийлар штаби Ла Лигада «Осаcуна»га қарши ўйинда (1:2) захирада қолган Рюдигерни бу сафар илк дақиқалардан майдонга туширишни режалаштирмоқда.