Санкт-Петербургда ўзбекистонлик 7-қаватдан тушган болани ушлаб қолди

Россиянинг Санкт-Петербург шаҳрида одамни титратмай қўймайдиган воқеа содир бўлди. Оддий кун, оддий ҳовли: кўпқаватли уй олдида ҳовли супуриб юрган фаррош эркак бир лаҳзада ҳақиқий қаҳрамонга айланди.

Хабар қилинишича, 7-қаватдаги хонадонда очиқ қолган дераза токчасида ўтириб, планшет ўйнаётган бола беихтиёр сирпаниб кетган. Бола пастга тушиб кетиш арафасида карнизга илиниб қолган, қўллари билан ушлашга уринган. Ана шу пайтда пастда ҳовли тозалаётган эркак юқорига қараб қолади ва вазиятни дарҳол англайди.