Аспас захирадан тушиб Ла Лигада дубл қайд этди

Жорий мавсумда ишончли ўйин кўрсатаётган «Селта» Испания чемпионати навбатдаги турида Балеар оролларидан келган «Майорка»ни қабул қилди. Виго клуби иккинчи бўлимда кетма-кет икки гол уриб, рақибига жавоб бериш имконини қолдирмади. Бу ҳақда euro-football.ru хабар беради.

Учрашув тақдирини захирадан майдонга тушган клуб фахрийси Яго Аспас ҳал қилди: у иккала голни ҳам ўз номига ёздириб қўйди. Қизиқ томони, Аспас Ла Лигадаги 409 ўйинлик фаолиятида илк бор айнан захирадан кириб, бир эмас, икки бор рақиб дарвозасини ишғол қилди.