«Бока Хуниорс» клубида янги спорт директори иш бошлади

Аргентина футболининг гранд клубларидан бири «Бока Хуниорс» спорт директори лавозимига Марсело Делгадони тайинлаганини расман маълум қилди. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.

Клуб таркибини тез фурсатда кучайтириш зарурлиги таъкидланмоқда ва раҳбарият ушбу йўналишда аниқ қадамлар ташлаш ниятида. Энди Делгадонинг асосий вазифаларидан бири ҳам айнан трансфер ва жамоани мустаҳкамлаш масалаларида Рикелме билан бирга ишлаш бўлади.