Марио Гётце Роналду жамоасига ўтишга тайёрлигини билдирди

Франкфуртнинг "Айнтрахт" клубида тўп сураётган ҳужумкор ярим ҳимоячи Марио Гётце Германия чемпионатини тарк этиб, Саудия Арабистонига йўл олиши мумкин. Футболчининг ўзи бу эҳтимолни журналистлар билан суҳбатда инкор этмади. Бу ҳақда euro-football.ru хабар беради.

Жаҳон чемпиони бўлган Гётцега кўра, агар "Ал-Наср"дан аниқ таклиф тушса, у бу вариантни кўриб чиқишга тайёр. Унинг айтишича, масалада фақат битта клуб эмас, балки Саудия чемпионатининг қандай суръатда ривожланаётгани ҳам муҳим омил.