Лукман «Атлетико»да Суареснинг самарадорлигини такрорлади

Мадриднинг «Атлетико» клуби ҳужумчиси Адемола Лукман яна гол урди — бу сафар «Эспанол» дарвозасини ишғол этди. Бу ҳақда euro-football.ru хабар беради.

«Матрасчилар»нинг янги футболчиси 58-дақиқада аниқ зарба бериб, ҳисобни 3:1 кўринишига келтирди. Орадан уч дақиқа ўтиб эса у майдонни тарк этди.

28 ёшли форвард «Атлетико» сафида барча мусобақаларда ўтказган дастлабки олти учрашувида тўртта гол урди. Бу кўрсаткич клубда Луис Суаресдан бери энг яхшиси бўлиб, уруғвайлик ҳужумчи 2020/21 мавсумида худди шундай натижа қайд этган эди.