“Ливерпуль” Абдуқодир Ҳусанов "ёпиб қўйган" Гакпони сотиб юбормоқчи

Нидерландиялик машҳур ҳужумчи Коди Гакпо жорий мавсум якунлангач, “Ливерпуль” билан хайрлашиши эҳтимоли ҳақида гаплар яна кучайди. Журналист Уилсон Кокс тарқатган маълумотларга кўра, мерсисайдликлар ёзда 26 ёшли футболчини сотиш вариантини жиддий муҳокама қиляпти.

Айни мавсумда чемпионлик унвонини сақлаб қола олмаган “Ливерпуль” раҳбарияти келаси мавсум олдидан таркибни катта “ревизия”дан ўтказишни режалаштирган. Яъни, жамоада фақат косметик ўзгариш эмас — ҳақиқий “қайта қуриш” кутиляпти.