Икарди хет-трик қилди ва «Галатасарай» тарихига кирди

Туркия Суперлигасининг 22-тур учрашувларидан бирида «Галатасарай» «Эюпспор»ни йирик ҳисобда мағлуб этди — 5:1. Баҳс қаҳрамонига айланган аргентиналик ҳужумчи Мауро Икарди бу ўйинда учта гол уриб, хет-трик қайд этди. Бу ҳақда euro-football.ru хабар беради.

Ушбу натижа Икардига клуб миқёсида ҳам тарихий ютуқ олиб келди: у «Галатасарай» тарихидаги энг сермаҳсул легионерга айланди. Икарди 76-голини нишонлаб, бу борадаги аввалги етакчи — руминиялик Георге Ҳаҷи (75) кўрсаткичини ортда қолдирди.