Конрад Лаймер «Бавария»дан маошини сезиларли оширишни сўрамоқда

«Бавария» Конрад Лаймер билан янги шартнома бўйича ҳануз якуний келишувга келмади. Австриялик футболчининг амалдаги битими 2027 йил ўрталаригача мўлжалланган, Мюнхен клуби эса у билан шартларни янгилашни истайди, бироқ музокаралар осон кечмаяпти. Бу ҳақда euro-football.ru хабар беради.

Bild хабарига кўра, Лаймернинг вакиллари бонуслар билан бирга йилига 15 млн евро маош талаб қилмоқда. Клуб эса бундан пастроқ сумма таклиф қилаётгани айтиламоқда. Ҳозирда 28 ёшли футболчининг йиллик даромади тахминан 8–9 млн еврони ташкил этади.