Питер Крауч: «Арсенал» учун бу мавсум имконият катта, деди

Англия Премьер-лигасида сўнгги йилларда тез-тез такрорланган манзара бор: «Арсенал» мавсумнинг иккинчи қисмида пешқадамликни қўлга олади, бироқ якунда чемпионликни бой бериб қўяди. Собиқ инглиз ҳужумчиси Питер Крауч бу сценарий яна такрорланиши шарт эмаслигини айтди. Бу ҳақда euro-football.ru хабар беради.

Крауч фикрича, Микел Артета жамоаси йил сайин тажриба тўпламоқда ва таркиб ҳам анча пишиқ. Энг муҳим омил эса рақибларнинг ҳозирги ҳолати: уларнинг аксарияти инқирозда ва аввалгидек барқарор кўринмаяпти.