Игор Суров «Машъал»да янги даврни бошламоқчи эканини билдирди

Муборакнинг «Машъал» клуби 2026 йилги мавсум остонасида муҳим қадам ташлади — жамоа бош мураббийи лавозимига тажрибали мутахассис Игорь Александрович Суров тайинлангани эълон қилинган эди. Энди эса янги устоз ушбу тайинлов ва олдинда турган вазифалар борасидаги қарашларини очиқ баён қилди.

Суров аввало раҳбарият томонидан билдирилган ишонч учун миннатдорчилик билдирди. Унинг таъкидлашича, жамоада имконият ва салоҳият етарлича, фақат буни тўғри йўлга солиш, тизимли меҳнат ва доимий такомил зарур.