Россияда телеграм фойдаланувчилари носозликлардан шикоят қилмоқда

Россияда Telegram мессенжери фаолиятини чеклаш чоралари бошланган. Бу ҳақда РБК нашри соҳа мутасаддилари ва расмий идоралардаги манбаларга таяниб хабар берди.

Маълум қилинишича, Роскомнадзор 2026 йил 10 февралдан бошлаб Telegram ишини қисман секинлаштириш бўйича амалий ишларни бошлаган. Манбаларга кўра, “секинлаштириш чораларининг” айримлари аллақачон жорий этилган бўлиб, расмий идора бу борада ҳали изоҳ бермаган.

9 ва 10 февраль кунлари россиялик фойдаланувчилар Telegram ишидаги узилиш ва муаммолар ҳақида шикоят қилган.