Қозоғистон Конституциясида рус тили таърифи янги лойиҳада ўзгарди

Қозоғистонда рус тилидан фойдаланишга оид норма янги Конституция лойиҳасида бошқача ифодаланмоқда. Республика конституциявий суди раиси ўринбосари Бахит Нурмухановнинг айтишича, лойиҳадаги 9-моддада муҳим бир сўз алмаштирилади: аввалги “тенг” атамаси ўрнига “қатори” ибораси қўлланади.

Нурмуханов бу ўзгаришни таҳририй ва услубий тузатиш сифатида изоҳлаб, унинг мақсади “терминологик ва семантик бир хиллик”ни таъминлаш эканини таъкидлаган. Яъни, матндаги маънолар бир-бирига мос, ҳуқуқий талқинлар эса аниқ-равшан бўлиши кўзланган.