Элдор Шомуродов учун кураш тўхтамади: "Башакшеҳир" пост билан чиқди...

Ўзбекистон миллий терма жамоаси сардори ва энг сермаҳсул ҳужумчиси Элдор Шомуродов бу мавсум "Истанбул Башакшеҳир" сафидаги ишончли ўйини, голлари ва майдондаги фойдали ҳаракатлари билан яна бир бор катта клублар диққатини ўзига қаратди. Туркиянинг энг машҳур жамоаларидан "Фенербаҳче" айнан Шомуродовни ҳужум чизиғига олиб келиш вариантини жиддий муҳокама қилгани ҳақида хабарлар тарқалди.

Гап шундаки, “сариқ-кўклар” қишки трансфер ойнасининг энг қизғин палласида 30 ёшли ўзбек форварди учун ҳаракат қилиб кўрган.