Исломобод форуми: Ўзбекистон-Покистон савдоси $2 млрдга етказилади

6 февраль куни Исломободда давлат ташрифининг ишбилармонлик қисмида Ўзбекистон президенти Шавкат Мирзиёев ва Покистон бош вазири Шаҳбоз Шариф қўшма бизнес форумида бирга қатнашди. У ерда асосий мақсад очиқ айтилди: иқтисодий ҳамкорликка янги “тезлик” бериш ва ўзаро савдо айланмасини 2 миллиард долларга олиб чиқиш. Шу ниятни мустаҳкамлайдиган баённома ҳам имзоланди.

Форум “қуруқ гап” форматидан йироқ бўлди: тадбирга икки мамлакатдан 300 дан ортиқ етакчи саноат корхоналари, савдо компаниялари ва тармоқ ташкилотлари вакиллари йиғилди.