Криштиану Роналду "Ан Наср"даги бошқарувдан қаттиқ норози бўлди

“Ан-Наср” ҳужумчиси Криштиану Роналду атрофида яна катта муҳокамага сабаб бўлаётган хабар тарқалди. Маълум қилинишича, португалиялик юлдуз клуб бошқарувига оид масалалардан норози экани учун кетма-кет иккинчи ўйинни ҳам бойкот қилиш ниятида бўлиши мумкин.

ESPN нашри тарқатган маълумотга кўра, Роналду Саудия Арабистони Суверен жамғармаси — PIF клуб раҳбариятида ўзгаришлар қилиш бўйича аниқ ва кафолатли позиция билдирмаганидан кўнгли тўлмаган. Яъни, у “ваъда” эмас, конкрет қадам ва расмий кафолат кутаётгани айтиляпти.