«Истиқлол»га Левченко қайтди: Душанбе яна катта мақсад сари...

«Истиқлол» клуби бош мураббий лавозимига Виталий Левченкони расман таништирди — мутахассис жамоани 2026 йилги мавсум якунига қадар бошқаради.

Бу тайинловнинг “таъми” алоҳида: Левченко бу жамоа учун бегона эмас. У аввал ҳам Душанбе клуби билан ишлаган, халқаро майдонда муайян ютуқлар ва яхши натижалар қайд этилгани мухлисларга яхши таниш.

Энг қизиғи, у Душанбега катта тажриба ва “чемпионлик кайфияти” билан келяпти. Чунки сўнгги уч мавсумда у «Нефтчи»да ишлади ва 2025 йилда жамоани Суперлига чемпионлигига олиб чиққан.