Бензема "Ал Иттиҳод" мухлислари билан хайрлашди: "Ал Ҳилол"га йўл олди

Саудия футболида яна бир катта саҳифа ёпилди. Карим Бензема "Ал Ҳилол" сафига кўчиб ўтганидан кейин ижтимоий тармоқларда "Ал Иттиҳод" билан самимий тарзда хайрлашди.

Бензема ўзининг X саҳифасида қолдирган мурожаатида “Ал Иттиҳод” унинг ҳаётида алоҳида ўрин тутганини, аммо бу бўлим энди якунга етаётганини таъкидлади. Шу билан бирга, клубга бўлган ҳурмати ҳеч қачон сўнмаслигини айтиб ўтди.

Футболчи клуб раҳбарияти, мураббийлар штаби ва жамоадошларига алоҳида миннатдорчилик билдириб, энг катта раҳматни мухлисларга йўллади.