Ўзбекистонда ўлимлар сони ошмоқда

Ўзбекистонда 2025 йилда ҳаётдан кўз юмганлар сони 177 104 кишини ташкил қилди. Миллий статистика қўмитаси келтирган маълумотларга кўра, мазкур рақам 2024 йил билан солиштирилганда 2,7 минг кишига кўпайган.

Бир йил давомида вафот этганларнинг 55,1 фоизи эркаклар (97,5 минг киши), 45,9 фоизи аёллар (81,4 минг) ҳиссасига тўғри келган. Шунингдек, вафот этганларнинг 54,1 фоизи шаҳар ҳудудларида истиқомат қилувчилар (95,7 минг киши), 45,9 фоизи эса қишлоқ жойларда яшовчилар (81,4 минг киши) бўлгани қайд этилган.