Февраль ойида об-ҳаво қандай бўлади?

Февраль ойи январга нисбатан ўртача 2–3 даражага, тоғларда эса 1–1,5 даражага илиқроқ кечиши айтилган. Бу ҳақда Ўзгидромет маълумот берган. Лекин қиш об-ҳавоси ҳар доим “бир хил сценарий”да кетмайди: баъзи йиллари февраль баҳорий илиқ кунлар билан келиб, бодом, ўрик, олхўри ва олчанинг эрта навлари гуллай бошлайди.

Кўп йиллик кузатувларда февраль ойида максимал ҳарорат 24–29° илиққача, жанубда эса баъзан 30–32° илиққача кўтарилган ҳолатлар қайд этилган. Бу рекордлар асосан 2016 ва 2021 йилларда кузатилган.